ERAILKETA: 59 BIZI, 59 ILUSIO

2006ko urriak 19a dugu, iada ez ditugu geure artean Begoña Bohoyo, Marie Margo Sumi, Alicia Murcia... eta horrela 59 emakume, 59 bizi, 59 ilusio, 59 ideia erailiak,akabatuak. Maite zituzten pertsonek akabatuak. Bizi dugun egoera jasaezina da, egunero ohikoa da komunikabideetan honelako tituluak aditzea; "Gizonezko batek bere bikotekidea labankadaz hil du." Jada ez digu arritzen, ohitu gara, ohikoa ere bihurtu dela esango nuke. Baina ohikoa ahal da? Onartezina da! Emakumeok bizi dugun jazarpenei aurre egin behar diegu, egoera hau azkenekoa da, baina egunerokotasunean zer? Txikitatik oinarri sexista batzuekin hezten gaituzte; hizkuntza("zorra","puta", "guarra"...); Kiroletan, emakume izateagatik soilik ezin dugu kirol askotan elite mailan aritu; lagun arteko harremanetan ere, neska batek mutil askorekin "ligatzen" badu "guarra" bat da, aldiz, gizonezkoa "macho" bat da! Eta horrelako adibideak, egoerak mila dira.



Bizi garen sistema (patriarkal) honek argi ipiñita dauzka bere estrategiak.Gizonezkoen nagusitasunaren inguruko apologia nabaria egiten da bai egungo gizartean, hala nola, testu liburuak, komunikabideak, zinema, publizitatea.... Emakumezkoen kaltetan, bai etxean baita etxetik kanpo gutxietsiak gara.
Jakin nahi nuke Begoña Bohoyok( eta bera bezala berien bikotekideek mespretxatu, jo eta hil dituzten guztiak) ze bizi eraman zuen, baina batez ere, ze ilusio, ze amets zeuzkan . Baina iada ezinezkoa da Begoñarena. Baina beste askoren ahotsa entzutea posible da, salatzea beharrezkoa da, hasieratik!
2006an hildako emakume guztien lista eta informazio gehiago lortu nahi baduzu, sakatu.