Ahotsak-ek erabakiak hartzen diren lekuetan emakumeen parte hartzea aldarrikatuko du

Ahotsak emakumeen plataformak ekitaldia burutuko du larunbat honetan Bilboko Euskalduna Jauregian, bertan idazki bat aurkeztuko dute, non, "bizi dugun prozesuan emakumeen parte hartze zabalago baten aldeko apustuan" dihardute.
Plataformako ordezkari batzuek ekitaldia aurkeztu dute, goizeko 11.30 hasiko da eta hiru zati izango ditu. Lehenengo zatian, Ahotsak-i atxikimentua eta diru-laguntza eskeini dioten eragileen inguruko hausnarketa egingo dute. Bigarrenik, Jone Goirizelaiak azaldu zuen moduan, idazki bat aurkeztuko dute, non, apirilak 8 eta uztailak 22ko dokumentuak osatuko dituzte, bertan emakumeen parte hartzea aldarrikatuz "prozesuan emakumeen parte hartzea bultzatu nahi dugu eta erabakiak hartzen diren lekuan egon".
Modu berean, kanpaina bat aurkeztuko dute, kolektiboak Wangari Maathai (2004ko Pakearen Aldeko Nobel Sariduna) keniarrarekin lan egin du, eta hiru ardatzetan oinarritu dira; parte-hartzea, natura eta ingurugiroa bera.